“Chanda Ko dekh mn” Bhramar Hindi Poems (Kavita)
Sagar sa shant mn,
Sadiyon se klant mn,
Gahrayi naap naap,
Parvat se lada mn,
Moti ko dekh dekh,
Doobe- utraye..
Uchhle- itraye,
Ab tak ka khaara mn
Meetha ho jaye
‘Chanda’ ko dekh dekh
Lahar …Lahar jaye>>>>
Kal –kal kare nadi,
Suraj ki kirno se
Swarnim saji nadi
Chattano se ladi,
Jharno se aa giri,
Sone v chandi ke
Khano se gujri
Ruki nahi-thami nahi
Chalti hi jaye
Saagar ki bahon me
Gota lagaye…
Priytam ‘aagosh’ me
Khoyi chali jaaye ….
‘Chanda’ ko dekh kuchh
Geet gungunaye…
Lahar …Lahar jaye>>>>
Andhkar dekh-dekh
Duniya me bhatka mn
Vyagr-ugr-ekaaki-
Andhar se ujda man
Dekh ek roshni
Khincha chala jaye
‘Diya’ jala dekh mn
Diwali manaye…
‘Chanda’ ko dekh mn
Heere v chandi sa
Chamak-chamak jaye>>>>
Sharmayi si kali
Bandhan-jakdi pali
Phoolon ko dekh- dekh
Khilne ko ‘pankhuri’
Md se bhari badhi
Kaanto ko dekh sang
Sahmi dari kali
Bhaunre ko dekh
Fir saahas jutaye
Khili chali jaye…
‘Chanda’ ko dekh mn-
-Kamal
khila khila jaye>>>>>
Mera Kishor mn
‘Pijare’ se mukt mn
Hariyali jharno me
Phoolon v kaliyon me
Kheton v bagiyon me
Pyari si galiyon me
Saagar ki lahron me
Nadiyon v jheelon me
Dhoondhta firey-koi-
Bulbul v Hansini
Koyal v Morni
Pyari si sangini
Moti chuge ye mn..
“Hans’ bana !
“Gori” ki payal-
ki thirkan sune
-to mn-
gaane ko geet,
vyagra –aakul-
hua ye mn..
Peepal ke patton
sa shor machaye..
‘Aaam’ sa bauraye..
Aayi “Basanti”-
Ne-mn lalchaye
Ye !
Tadfadaye
Pankh fadfadaye..
Uda chala jaye>>>>
‘Chanda’ ko dekh mn
Hahar –Hahar jaye.
Surendrashukla”Bhramar”
7.30 A.M.
15.2.11 Jal( Pee Bee)
No comments:
Post a Comment